AQSh Shimoliy Koreyaga nisbatan bosimni yanada kuchaytirish va bunda faqat BMT Xavfsizlik kengashi bilan cheklanib qolmaslikka intilmoqda. Bu borada Yaponiya va Janubiy Koreya bilan hamkorlikda ish olib boriladi. Davlat kotibining birinchi o‘rinbosari Entoni Blinken Kongress vakillar palatasi xalqaro ishlar qo‘mitasidagi eshituvlar chog‘ida shu haqda ma’lum qildi, deya xabar beradi “TASS”.
“Biz mavjud tuzumni boyitishga xizmat qilishi mumkin bo‘lgan har qanday vositalarni cheklashga harakat qilmoqdamiz”, deya ta’kidlagan Blinken gap, jumladan, xorijda ishlayotgan KXDR fuqarolari pul jo‘natmalari haqida ketayotganligiga aniqlik kiritdi. O‘zini “diplomat” atab, chet ellarda biznes yuritishga harakat qilayotgan, topgan daromadi esa mamlakat g‘aznasiga ketayotgan shaxslar faoliyatiga o‘sha xorijiy davlatning rasmiylari yordamida chek qo‘yish ustida ish olib borilayotganligini bildirdi.
Davlat kotibi o‘rinbosarining aytishicha, AQSh KXDRdan kelayotgan kema va samolyotlarga aeroportlar hamda dengiz portlariga kirishni murakkablashtiradigan to‘siqlarni yuzaga keltirishga ham harakat qilmoqda.
Izoh (0)