2015-yil yakunlariga ko‘ra Shimoliy Koreyada oziq-ovqat mahsulotlari ishlab chiqarilishi hajmi 2010-yildan beri birinchi marta kamaydi. Bu haqda “Interfaks” xabar bermoqda.
BMT oziq-ovqat va qishloq xo‘jaligi tashkiloti tarqatgan kommyunikeda aytilishicha, KXDRda oziq-ovqat mahsulotlari o‘tgan yili 5,4 million tonna, 2014-yilda esa 5,9 million tonna miqdorida ishlab chiqarilgan.
Ekspertlarning hisob-kitoblariga qaraganda, mamlakatdagi ko‘pgina oilalarda to‘yib ovqatlanmaslik muammosi kelib chiqa boshlagan.
Bir yilcha oldin BMT KXDRda qurg‘oqchilik tufayli oziq-ovqat inqirozi kelib chiqishi mumkinligidan ogohlantirgan edi.