“Layfxaker” nashri Android uchun o‘nta eng ommabop brauzerlarning ishlash tezligi va xotirani sarf qilish darajasini aniqlash ustida o‘tkazilgan tadqiqot haqida maqola chop etdi.

Ushbu testdan maqsad veb-sahifalar renderingini eng tez uddalay oladigan brauzerni aniqlashdan iborat bo‘ldi. Buning uchun quyidagi brauzerlar tanlab olindi:

• Google Chrome 49.0.2623.105,
• Dolphin Browser 11.5.5,
• Mozilla Firefox 45.0.2,
• Naked Browser 1.0 build 112,
• Opera Browser 36.1.2126.102083,
• Puffin Browser 4.7.4.2567,
• UC Browser 10.9.0,
• InfiKen Labs Flynx Browser 2.0.1,
• Ghostery Browser 1.3.2,
• Mercury Browser 3.2.3.

Tajribalar Android 6.0.1 Marshmallow boshqaruvidagi Nexus 6P smartfonida o‘tkaizldi.

Sunspider 1.0.2

Birinchi sinov sifatida Sunspider 1.0.2’dan foydalanildi, u JavaScript unumdorligini brauzerdagi real ssenariylarda tekshiradi. O‘lchov millisoniyalarda bajariladi.

Mozilla Kraken 1.1

Ushbu test natijalari real hayotda uchraydigan topshiriqlarni bajarish tezligini aks ettirdi.

Peacekeeper

Ushbu test veb-brauzer qarshisida paydo bo‘ladigan har xil turdagi topshiriqlarni sinovdan o‘tkazishga qaratilgan.

Browsermark 2.1.3

Ushbu benchmark brauzerning umumiy unumdorligini tekshiradi. Bo‘sh sahifaning yuklanishi, ekran oriyentatsiyasining o‘zgarishi, brauzerning JavaScript, CSS, DOM kabilar bilan ishlashi va boshqa topshiriqlarni bajarish tezligi aniqlandi.

Xotira sarfi

Har bir brauzer bitta bo‘sh vkladkani ochishda qancha tezkor xotirani talab qilishi aniqlandi.

Turli saytlardan iborat beshta vkladkani ochishda esa vaziyat keskin o‘zgardi.

Qissadan hissa

Test natijalari Android uchun eng tezkor brauzer roliga Puffin Web Browser da’vogarlik qilishini ko‘rsatdi. Ammo buning uchun gadjetingiz yetarlicha tezkor xotiraga ega bo‘lishi kerak. Agar sizda bu bo‘yicha muammo bo‘lsa, u holda Google Chrome’ni tanlaganingiz ma’qul. U sahifalarga ishlov berish tezligi bo‘yicha o‘rtacha natija ko‘rsatgan bo‘lsa-da, tejamkor bo‘lib chiqdi.