Venesuela “El-Ninyo” oqimi keltirib chiqargan kuchli qurg‘oqchilik oqibatlarini bartaraf etishda jahon hamjamiyatidan ko‘mak so‘raydi. Bu haqda mamlakat prezidenti Nikolas Maduro ma’lum qildi, deya xabar beradi “RIA Novosti”.
“Biz BMT tizimlari va mutaxassislari bilan aloqalar o‘rnatdik, ulardan ilmiy va texnik yordam so‘raldi. Yuzaga kelgan vaziyatni o‘nglash va barqarorlashtirish uchun yaqin oylar, yillar mobaynida tiklash ishlarini olib borish lozim”, — deya ta’kidlagan prezident.
Yomg‘irlar tanqisligi Venesuela suv omborlarida suv sathining kamayishi va elektr energiyasi ishlab chiqarish hajmining pasayishiga olib kelgan. Maduroning bildirishiga ko‘ra, xalqaro yordam Karoni daryosi va Bolivar shtatidagi “El-Guri” GES suv ombori tizimlarini tiklashda talab etiladi. Mamlakat energetika vaziri Luis Motta Dominges ma’lumotlariga ko‘ra, undagi suv sathi keskin pasayib, hozirgi kunda 241,6 metrni tashkil etmoqda. Bungacha eng past ko‘rsatkich 2003-yilda qayd etilgandi (244 metr).
Izoh (0)