Moskvaning Tver tumani sudi McDonald’s restoranlar tarmog‘idan moskvalik Ivan Sergeyev foydasiga 200 ming rubl undirdi, deya xabar bermoqda “Interfaks”. U reklamada o‘z buvisi, shoira Adelina Adalis she’rlaridan foydalanganlik uchun 5 million rubl tovon puli talab qilgan edi.
Da’voga ko‘ra, Sergeyev McDonald’s kompaniyasiga reklamada buvisining she’rlarini ishlatish huquqini bermagan. Reklama roliklarini namoyish qilgan telekanallar ham da’vo bo‘yicha javobgar deb ko‘rsatilgan edi.
Telekanallar vakillari rolik boshqa ko‘rsatilmayotganini ma’lum qildi. Da’vogarning vakili esa reklama roligi internetda namoyish qilinishda davom etayotganini aytdi.
Adelina Adalis — rossiyalik shoira, yozuvchi va tarjimon. Uning o‘g‘li — qo‘shiqchi shoir Vladimir Sergeyev.
Izoh (0)