Belarus qurolli kuchlarining Mi-24 vertolyoti aerodromdan tashqarida rejali qo‘nishni amalga oshirish chog‘ida yon tomoni bilan qulab tushdi, deya xabar bermoqda “TASS” respublika mudofaa vazirligiga tayanib. Hodisa natijasida hech kimga ziyon yetmagan.
“O‘quv parvozlari chog‘ida Gomel viloyatidagi Mozir shahridan 6 km shimoli-g‘arbda aerodromdan tashqaridagi maydonga rejali qo‘nishni amalga oshirayotgan Mi-24 vertolyoti yon tomoni bilan qulab tushdi”, — deyiladi mudofaa vazirligi bayonotida.
Ta’kidlanishicha, vertolyot ekipaji sog‘-omon, qo‘nish maydoni hududida vayronagarchiliklar kuzatilmagan. Hodisa sabablarini o‘rganish uchun komissiya tuzildi.
Izoh (0)