BBC Malayziya “Boing”ining Donbassdagi halokati haqidagi hujjatli film mazmuni xolis deb hisoblaydi. Bu haqda Britaniya mediakompaniyasi rasmiy bayonotida aytiladi, deb yozadi “Vedomosti”.
“Sunday Express gazetasi dastur mazmunini noto‘g‘ri talqin qildi. Uning sarlavhasidan farqli o‘laroq, ekspertlar aslida dasturda MH17 Ukraina jangovar samolyoti tomonidan urib tushirilgani haqidagi da’volarni ehtimoldan yiroq deb atadi, chunki ushbu samolyotlar bunday balandlikda ucha olmaydi”, — dedi korporatsiya vakili.
BBC fikricha, “Fitna nazariyasi: MH17’ni kim urib tushirdi” filmida turli nuqtai nazarlar keltirilgan, Niderlandiya hukumatining rasmiy tekshiruvlari natijalari batafsil o‘rganilgan, “bu samolyot kuchli ‘yer—havo’ raketasi tomonidan urib tushirilgani bo‘yicha ishonchli dalillar beradi”.
Eslatib o‘tamiz, avvalroq BBC2 telekanali 3-may kuni Malayziya “Boing”ining Donbassdagi halokatining turli versiyalari haqidagi “Fitna nazariyasi: MH17’ni kim urib tushirdi” dasturini namoyish qilishi ma’lum bo‘lgan edi.
Izoh (0)