Xorazmda “Biz – buyuk yurt farzandlarimiz” yoshlar festivali bo‘lib o‘tmoqda

O‘zbekiston Respublikasi mustaqilligining 25 yilligiga bag‘ishlab “Kamolot” yoshlar ijtimoiy harakati tomonidan “Biz – buyuk yurt farzandlarimiz” shiori ostida O‘zbekistonning barcha hududlarida yoshlar festivallari o‘tkazilmoqda. Bu haqda “Kamolot” yoshlar ijtimoiy harakati markaziy kengashi “Daryo”ga ma’lum qildi.

Xorazm viloyatida 24-aprel kuni start olgan mazkur festival 27-aprelga qadar davom etadi.

Festival boshlangan kuni “Ichan-qal’a” me’moriy yodgorligining katta maydonida Xorazmning milliy urf-odatlaridan biri bo‘lgan “Qo‘chqorlar jangi” o‘tkazildi.