BBC2 telekanali 3-may kuni Malayziya “Boing”ining Donbassdagi halokatining turli versiyalari haqidagi “Fitna nazariyasi: MH17’ni kim urib tushirdi” dasturini namoyish qiladi, deb yozadi Meduza.
The Daily Mail xabariga ko‘ra, dasturda samolyot “Buk” raketasi tomonidan urib tushirilgani haqidagi rasmiy versiyalardan farqli bo‘lgan guvohlar ko‘rsatmalari mavjudligi haqida aytiladi. So‘ralgan guvohlarning yuz nafaridan yetti nafari, go‘yoki, “Boing” qulashidan sal avval osmonda ikkita samolyotni ko‘rganini aytib, ulardan biri Ukraina qiruvchisi bo‘lganini ta’kidlagan. Guvohlardan biri, hatto, samolyot halokati oldidan raketa otilganini ko‘rganini qayd etgan, u o‘n ming metrdan yuqoriroq balandlikda uchgan.
Gazeta ta’kidlashicha, qiruvchining “Boing”ga hujumi haqidagi versiyaning boshqa dalillari filmda keltirilmaydi. Shuningdek, dasturda Boris Berezovskiyning sobiq qo‘riqchisi Sergey Sokolovning versiyasi ham tilga olinadi, u AQSh Markaziy razvedka boshqarmasi “Boing” halokatiga aloqadorligini aytgan edi. Ushbu ma’lumotlarning hech biri rasman tasdiqlanmagan.
Eslatib o‘tamiz, Malaysia Airlines’ning Amsterdamdan Kuala-Lumpurga MH17 reysi bilan uchib ketayotgan Boeing 777 samolyoti 2014-yil 17-iyul kuni qulagan edi. Taxminlarga ko‘ra, layner Donbass hududidan urib tushirilgan. Samolyot bortida bo‘lgan 298 kishining barchasi halok bo‘lgan.
Izoh (0)