Pentagon: KXDR tomonidan uchirilgan navbatdagi raketa AQSh uchun xavf tug‘dirmaydi

Shimoliy Koreya tomonidan uchirilgan navbatdagi raketa Qo‘shma Shtatlar uchun xavf tug‘dirmaydi. Bu haqda AQSh Qurolli kuchlari strategik qo‘mitasi ma’lum qildi, deb xabar beradi “Gazeta.ru”.

Davlat departamenti rasmiy vakili Jon Kirbi parvozga izoh berar ekan, bu BMT Xavfsizlik kengashi bir necha rezolyutsiyalarining buzilishi ekanligini ta’kidladi. U Pxenyanni Koreya yarim orolida vaziyatni beqarorlashtirishdan voz kechish va xalqaro majburiyatlarini bajarishni boshlashga chaqirdi.

Eslatib o‘tamiz, Janubiy Koreya OAV ma’lumotlariga ko‘ra, 23-aprel, shanba kuni KXDR Xamgyon-Namdo provinsiyasi, Sinpxo port shahrida suvosti kemasidan ballistik raketani uchirgan.