Isroil OAVlarning mamlakat harbiy-havo kuchlari samolyotlari Rossiya harbiy-kosmik kuchlari tomonidan o‘qqa tutilgani haqidagi xabarlari haqiqatga to‘g‘ri kelmaydi. Bu haqda Rossiya prezidentining matbuot kotibi Dmitriy Peskov ma’lum qildi, deya xabar beradi “Vedomosti”.
“Isroil matbuoti xabarlariga izoh berishni istamayman. Ularda keltirilgan ma’lumotlar haqiqatdan ancha yiroq”, — deya ta’kidlagan Peskov.
22-aprel, juma kuni Isroilning yetakchi nashrlaridan biri Yedioth Ahronoth Rossiya harbiy-koinot kuchlarining Suriyadagi guruhi samolyotlari Isroil harbiy samolyotlarini kamida ikki bor o‘qqa tutganini ma’lum qildi. Gazetaning da’vo qilishicha, mazkur holat mamlakat bosh vaziri Binyamin Netanyaxuni Moskva bilan tezkor aloqani yaxshilash yo‘llarini qidirishga majbur etgan.
Isroil mudofaa armiyasi vakili ham bu xabarga izoh berishdan bosh tortgan.
Izoh (0)