Futbol bo‘yicha Angliya Premyer-ligasining 34-turiga kelib quyi divizionga tushib ketgan birinchi klub nomi ma’lum bo‘ldi. Birmingemning “Aston Villa” klubi so‘nggi bor 1987-yil elita bilan xayrlashgandi. Oradan 29 yil o‘tib, bu voqea yana bir bor takrorlandi.
“Aston Villa” so‘nggi umidni “Old Trafford”da yo‘qotdi. “Manchester Yunayted” raqibini 1:0 hisobida mag‘lub etib, oldindagi to‘rt tur natijasidan qat’iy nazar, Birmingem klubini Premyer-liga bilan xayrlashishga majbur etdi. Bir tur avval “Yunayted”ning mag‘lubiyati “Lester”ga Chempionlar Ligasi yo‘llanmasini taqdim etgandi.
“MYu” ochkolari sonini 56 taga yetkazib oldi. Ma’lumot uchun, “Manchester Siti” 57, “Vest Hem” esa 52 ochkoga ega.
“Nyukasl” esa Rafael Benites boshqaruvida o‘zining birinchi g‘alabasini qo‘lga kiritdi. “Suonsi”ni qabul qilgan jamoa yirik – 3:0 hisobida muvaffaqiyat qozondi. 34-turdan keyin “Norvich” — 31, “Sanderlend” — 30, “Nyukasl” — 28 ochkoga ega. Elitada qolish yo‘lidagi kurash asosan mana shu uch klub o‘rtasida kechadi.
Angliya Premyer-ligasi 34-tur bellashuvlari 16-aprel, shanba
“Manchester Yunayted” — “Aston Villa” 1:0
Gol: Markus Rashford, 32 (1:0).“Manchester Yunayted”: David de Xea, Markos Roxo, Kris Smolling, Deyli Blind, Antonio Valensiya, Morgan Shneyderlen, Xuan Mata (Timoti Fosu-Mensa, 90), Maruan Fellayni, Markus Rashford (Antoni Marsyal, 76), Ueyn Runi (Jessi Lingard, 67), Memfis Depay.“Everton” — “Sauthempton” 1:1
Gollar: Ramiro Mori, 68 (1:0). Sadio Mane, 76 (1:1).“Nyukasl” — “Suonsi” 3:0
Gollar: Jamal Lassells, 40 (1:0). Mussa Sissoko, 82 (2:0). Endros Taunsend, 89 (3:0).“Vest Bromvich” — “Uotford” 0:1
Gol: Ben Uotson, 27 (0:1).“Chelsi” — “Manchester Siti”17-aprel, yakshanba“Bornmut” — “Liverpul”“Lester” — “Vest Hem”“Arsenal” — “Kristal Pelas”
18-aprel, dushanba“Stok Siti” — “Tottenhem”
Izoh (0)