O‘zbekiston Respublikasi Prezidenti Islom Karimovning taklifiga binoan Qozog‘iston Respublikasi Prezidenti Nursulton Nazarboyev 14-aprel, payshanba kuni amaliy tashrif bilan O‘zbekistonga keldi. Bu haqda O‘zA xabar bermoqda.
Toshkent xalqaro aeroportida oliy martabali mehmonni O‘zbekiston Respublikasi Bosh vaziri Shavkat Mirziyoyev kutib oldi.
Qisqa suhbatdan so‘ng Qozog‘iston delegatsiyasi o‘zi uchun ajratilgan qarorgohga yo‘l oldi.
Tashrifning asosiy tadbirlari 15-aprelda bo‘lib o‘tadi.
Avval xabar qilinganidek, oliy darajadagi uchrashuvda davlat rahbarlari O‘zbekiston va Qozog‘istonning turli sohalardagi o‘zaro hamkorligining bugungi holati va uni rivojlantirish istiqbollarini, tomonlarni qiziqtirgan mintaqaviy va xalqaro ahamiyatga molik dolzarb masalalarni muhokama qiladi.
Izoh (0)