19-aprel kuni bo‘lib o‘tadigan turistik yarmarka doirasida Yasmina Tour kompaniyasi ko‘magida chop etilgan “O‘zbekistonga tashrif buyurishning 10 sababi” nomli yangi kitob prezentatsiyasi bo‘lib o‘tadi. Bu haqda kompaniya direktori Saidahmat Raubayev Facebook’dagi sahifasi orqali ma’lum qildi.
Aytilishicha, rus va ingliz tillaridagi vizual kitobda taniqli suratkash Ernst Kurtveliyev tushirgan 350 dan ortiq fotosurat jamlangan bo‘lib, ularda O‘zbekistonning o‘ziga xos muhiti, me’moriy qiyofasi, tabiati va xalqning turmush tarzi aks etgan.
Nashr 300 sahifadan iborat bo‘lib, unga, maxsus tayyorlangan fotosetlardan tashqari, oxirgi 15 yil davomida to‘plangan fotoarxiv materiallari ham kiritilgan. Shuningdek, undan voqealar taqvimi o‘rin olgan.
Izoh (0)