Ukraina Oliy Radasidagi “Pyotr Poroshenko bloki” fraksiyasi raisi Yuriy Lutsenko o‘zining Facebook’dagi sahifasida mamlakatning yangi bosh vaziri nomzodi kelishib olinganini ma’lum qildi. Bu haqda Meduza xabar bermoqda.
Lutsenkoning bildirishicha, 12-aprel, seshanba kuni bosh vazirlikka nomzod va hukumat tarkibi kelishib olingan. Biroq u mazkur nomzod va hukumat tarkibini oshkor qilmadi.
Ma’lumot uchun, mamlakatda bosh vazirlikka asosiy nomzod Oliy Rada spikeri Vladimir Groysman sanaladi. U o‘zi istagan nomzodlar tarkibga kirmasa, hukumatni boshqarishdan bosh tortishini ma’lum qilgan.
Eslatib o‘tamiz, oldinroq Ukraina bosh vaziri Arseniy Yatsenyuk iste’foga chiqishini bildirgandi.
Izoh (0)