Futbol bo‘yicha Angliya Premyer-ligasida 33-tur bellashuvlari o‘z yakuniga yetdi.

Chempionlar Ligasi yo‘llanmasidan umidini uzmagan “Liverpul” turnir jadvalida o‘zidan oldinroqda borayotgan “Stok Siti”ni qabul qilib, yirik g‘alabaga erishdi — 4:1. Buning natijasida Yurgen Klopp jamoasi 31 ta o‘yinda 48 ochko jamg‘arib, 8-o‘ringa ko‘tarilib oldi.

“Borussiya Dortmund”ga qarshi Yevropa Ligasi o‘yinida gol urgan Divok Origi, “Stok Siti”ga qarshi bellashuvda bir taym harakat qildi hamda dublga erishdi.

“Tottenhem” hamda “Manchester Yunayted” klublari o‘rtasidagi turning markaziy o‘yinida mezbonlar yirik hisobda zafar quchdi. Lui Van Gal jamoasi 70-daqiqaga qadar o‘z darvozasi daxlsizligini saqlab keldi. Keyingi olti daqiqa ichida esa 3 ta gol o‘tkazib yubordi.

Mazkur g‘alabasidan keyin “Tottenhem” ochkolari sonini 65 taga yetkazib oldi. Peshqadam “Lester” 72 ochkoga ega. Mos ravishda “Arsenal” 59, “Manchester Siti” 57, “MYu” 53, “Vest Hem” 52, “Sautgempton” 50, “Liverpul” 48 ochkoga jamg‘argan.

Angliya Premyer-ligasi 33-tur bellashuvlari 10-aprel, yakshanba

“Liverpul” — “Stok Siti” 4:1

Gollar: Alberto Moreno, 8 (1:0). Boyan Krkich, 22 (1:1). Daniel Starrij, 32 (2:1). Divok Origi, 50 (3:1). Divok Origi, 65 (4:1).“Liverpul”: Simon Minyole, Nataniel Klayn, Alberto Moreno, Kevin Styuart, Martin Shkrtel, Kolo Ture, Jeyms Milner, Jo Allen (Lukas Leyva, 78), Oluvaseyi Ojo (Divok Origi, 46), Roberto Firminyo (Adam Lallana, 63).

“Tottenhem” — “Manchester Yunayted” 3:0

Gollar: Dele Alli, 70 (1:0). Alderveyreld, 74 (2:0). Erik Lamela, 76 (3:0).“Tottenhem”: Ugo Lyoris, Kayl Uolker, Denni Rouz, Tobi Alderveyreld, Yan Vertongen, Erik Dayer, Mussa Dembele, Erik Lamela (Naser Shadli, 87), Dele Alli (Rayan Meyson, 90+3), Kristian Eriksen, Harri Keyn (Son Xyun Min, 89).“Manchester Yunayted”: David de Xea, Markos Roxo, Kris Smolling, Deyli Blind, Timoti Fosu-Mensa (Matteo Darmian, 68), Maykl Kerrik, Xuan Mata (Memfis Depay, 76), Jessi Lingard, Morgan Shneyderlen, Markus Reshford (Eshli Yang, 46) Antoni Marsyal.

• APL, 33-tur. “Vest Hem” London derbisida “Arsenal”ga 3 ta gol urib, 2 ochko yo‘qotdi

• APL, 33-tur. “Manchester Siti” irodali g‘alabani qo‘lga kiritib, Chempionlar Ligasi pog‘onasini mustahkamladi

• APL, 33-tur. “Chelsi” 15 turdan buyon davom etib kelayotgan mag‘lubiyatsiz seriyasiga Uelsda yakun yasadi

• APL, 33-tur. Jeymi Vardining dubli “Lester”ga “Sanderlend” ustidan g‘alaba tortiq qildi