Ukrainalik mashhur bokschi Vladimir Klichko britaniyalik hamkasbi Tayson Fyuri bilan revansh uchrashuvini 2016-yilning 9-iyulida Manchester shahrida o‘tkazadi. Bu haqda “Gazeta.ru” xabar bermoqda.
“Fyurining Klichkoga qarshi jangi 9-iyulda Manchesterda bo‘lib o‘tadi. Rasmiy e’lon yaqin orada beriladi”, — deb yozdi britaniyalik bokschining vakili Piter Fyuri Twitter’dagi sahifasida.
O‘tgan yilning 28-noyabr kuni Klichko Dyusseldorfda o‘tgan uchrashuvda Fyuridan mag‘lubiyatga uchrab, IBF, IBO, WBO va WBA versiyalari bo‘yicha chempionlikni boy berdi. Dekabr oyida esa IBF o‘z vakili, ukrainalik bokschi Vyacheslav Glazkov bilan jang qilishdan bosh tortgan Fyurini chempionlik kamaridan mahrum qildi.
Izoh (0)