Butunjahon boks assotsiatsiyasi (WBA)ning superyengil vazn toifasidagi chempioni britaniyalik Karl Frempton WBA kamaridan mahrum qilindi, deb xabar beradi “Bigmir.net”.
Karl Frempton chempionlik kamari uchun da’vogar kubalik Gilyermo Rigondo bilan majburiy jang o‘tkazmagani uchun WBA rahbariyati uni chempionlik kamaridan mahrum qilishga qaror qildi.
Endilikda egasiz qolgan WBA kamari uchun kubalik Gilyermo Rigondo va WBA reytingida birinchi o‘rinni egallab turgan meksikalik Moyses Flores o‘zaro jang o‘tkazadi.
Ma’lumot o‘rnida, Karl Frempton professional faoliyati davomida 22 ta jang o‘tkazib, barchasida (14 tasida nokaut bilan) g‘alaba qozongan. Gilyermo Rigondo ham o‘tkazilgan 16 ta jangining barchasida (10 tasida nokaut bilan) muvaffaqiyat qozongan. Moyses Flores 24 ta jang o‘tkazgan va u ham barchasida (17 tasi nokaut bilan) zafar quchgan.
Izoh (0)