Kambodjada mashina paromdan daryoga qulab ketdi. Natijada yetti kishi, jumladan besh nafar bola halok bo‘ldi. Bu haqda mahalliy politsiya ma’lumotiga tayanib, “RIA Novosti” xabar beradi.
Hodisa mamlakat janubidagi Kandal provinsiyasida yakshanba, 3-apreldan dushanbaga o‘tar kechasi yuz bergan. Tergovchilarning ma’lum qilishicha, hodisaga mashina haydovchisining belgilangandan yuqori tezlikda paromga chiqishi sabab bo‘lgan.
“Haydovchi ikki shisha pivo ichib, paromga juda katta tezlikda chiqqan, shundan so‘ng avtomobil daryoga qulab ketgan”, — deyiladi politsiya hisobotida.
Haydovchi cho‘kayotgan mashinaning derazasidan chiqib, tirik qolgan. Qolgan yo‘lovchilar, jumladan, to‘rt yoshdan 13 yoshgacha bo‘lgan bolalar halok bo‘lgan.
Mashina haydovchisi huquq-tartibot xodimlari tomonidan qo‘lga olingan.
Izoh (0)