Ukrainaning Kiyev viloyatida ekstrim qidirib temir yo‘lga yotgan yigitni poyezd bosib ketdi, deb yozadi “Korrespondent.net” Milliy politsiya viloyat boshqarmasiga tayanib.
Hodisa haqidagi xabar politsiyaga 27-mart kuni kelib tushgan. Voqea Tripolye qishlog‘idagi Shcherbanovka temir yo‘l bekati yaqinida yuz bergan. Yuk poyezdi 22 yoshli mahalliy fuqaroni bosib ketgan. Olgan ko‘p sonli tan jarohatlari tufayli, yigit o‘sha zahotiyoq hodisa joyida vafot etgan.
Dastlabki ma’lumotlarga ko‘ra, yigit o‘tkir hissiyotlar izlab, yo‘lga o‘zining 19 yoshli sevgan qizi bilan birga yotib olgan. Qiz tirik qolgan va jarohatlanmagan.
Politsiyachilar hodisa yuz bergan vaziyatni o‘rganmoqda, marhumning tanasi ekspertizaga jo‘natildi.
Izoh (0)