Mirzohid Obidov shahar hokimining ma’muriy masalalar, huquqni muhofaza qilish organlari faoliyatini muvofiqlashtirish, o‘zini o‘zi boshqarish organlari va yoshlar siyosati bo‘yicha birinchi o‘rinbosari etib tayinlandi. Bunga qadar u Toshkent shahar prokurori bo‘lib ishlab kelayotgandi, deya xabar bermoqda “Gazeta.uz” .
2011-yildan beri Toshkent shahar hokimining kapital qurilish, kommunal xo‘jaligi, obodonlashtirish, sanoat va tadbirkorlik masalalari bo‘yicha birinchi o‘rinbosari vazifasida ishlab kelgan Baxtiyor Rahmonov hokimning ushbu masalalar bo‘yicha o‘rinbosari lavozimida faoliyatini davom ettiradi. Nozim Xusanov shahar hokimining iqtisodiyot va ijtimoiy rivojlantirish masalalari bo‘yicha o‘rinbosari lavozimini egalladi.
Otabek Sodiqov shahar hokimining o‘rinbosari — “Toshshahartransxizmat” aksiyadorlik kompaniyasi boshqaruvi raisi, Farida Abdurahimova hokim o‘rinbosari — shahar xotin-qizlar qo‘mitasi raisi, Shuhrat Turdiqulov shahar hokimining jamoat tashkilotlari va diniy tashkilotlar bilan aloqalar bo‘yicha o‘rinbosari sifatida faoliyatini davom ettiradi.
Izoh (0)