Gvatemala janubi-g‘arbida avtobus va yuk mashinasining to‘qnashuvi natijasida yetti kishi halok bo‘ldi, 30 kishi jarohat oldi. Bu haqda Ultimas Noticias yangiliklar portali ma’lumotiga tayanib, “RIA Novosti” xabar beradi.
Agentlikning ma’lum qilishicha, hodisa Suchitepekes departamentining Kuyotenango hududida yuz bergan.
Qutqaruvchilarning ma’lum qilishicha, qurbonlar orasida o‘n yoshli qizcha ham bor.
Guvohlarning so‘zlariga qaraganda, katta tezlik bilan harakatlanayotgan avtobusning haydovchisi boshqaruvni yo‘qotib, qarama-qarshi yo‘nalishda kelayotgan yuk mashinasiga urilgan.
Izoh (0)