Afg‘oniston sharqida 12 yoshli xudkush bola qo‘lga olindi

Afg‘oniston sharqidagi Nangarxar viloyati milliy xavfsizlik boshqarmasi xodimlari terakt sodir etishga uringan 12 yoshli xudkush bolani qo‘lga oldi, deb xabar beradi “Interfaks”.

Viloyat politsiyasi rahbari Fozil Ahmad Sherzodning so‘zlariga qaraganda, Pokistondagi madrasalardan birida terrorchilikka tayyorlangan bola yaqinda viloyatning ma’muriy markazi — Jalolobod shahriga qo‘poruvchilik harakatini sodir etish uchun olib kirilgan. Ammo u 22-mart kuni mahalliy xavfsizlik kuchlariga taslim bo‘lgan.