Istanbuldagi terakt natijasida ikki isroillik halok bo‘ldi, 11 nafari yaralandi

Isroil bosh vaziri Binyamin Netanyaxu Istanbuldagi teraktda mamlakatning ikki fuqarosi halok bo‘lganini ma’lum qildi, deb yozadi “TASS”.

“Ikki nafar Isroil fuqarosi Istanbuldagi teraktda o‘ldirildi, afsuski, uchinchi isroillik qurbon ham bo‘lishi mumkin”, — dedi bosh vazir Isroil tashqi ishlar vazirligida o‘tkazilgan favqulodda majlisda. “Yana 11 isroillik yaralangan, biz ularga yordam ko‘rsatmoqdamiz”, — deya qo‘shimcha qildi u.

Netanyaxu, shuningdek, Isroil Turkiya hukumati bilan aloqada bo‘lib turganini, Turkiyaga ikkita — tibbiy va armiya samolyoti Isroilning jabrlangan fuqarolarini evakuatsiya qilish uchun yuborilganini ta’kidladi.

Eslatib o‘tamiz, 19-mart, shanba kuni Turkiyaning Istanbul shahrida sodir etilgan portlash oqibatida besh kishi halok bo‘ldi, 20 kishi jarohatlandi.