Xalqaro futbol federatsiyasi (FIFA) Rossiyada bo‘lib o‘tadigan futbol bo‘yicha 2018-yilgi Jahon chempionatiga tayyorgarlik ko‘rish uchun 2017-yilda 450 million, konfederatsiyalar Kubogini o‘tkazish uchun esa 55 million dollar ajratadi. Bu haqda “TASS” xabar bermoqda.
Jahon chempionati 2018-yilning 14-iyunidan 15-iyuliga qadar, Rossiyaning 11 shahri – Moskva, Sankt-Peterburg, Nijniy Novgorod, Volgograd, Rostov-na-Donu, Samara, Yekaterinburg, Qozon, Kaliningrad, Saransk va Sochida joylashgan 12 stadionda bo‘lib o‘tadi.
Konfederatsiyalar Kubogi FIFA tomonidan Jahon chempionatiga mezbonlik qilayotgan davlatda o‘tkaziladi. Ushbu turnir Jahon chempionatiga tayyorgarlik vazifasini o‘taydigan musobaqa sifatida ko‘riladi.
Konfederatsiyalar Kubogi 2017-yilning 17-iyunidan 2-iyuliga qadar, Moskva, Sankt-Peterburg, Sochi va Qozon shaharlarida o‘tkaziladi.
Izoh (0)