Tergov siyosatchi Boris Nemsovni o‘ldirishda gumonlanayotganlar shaxsini jinoyatni rejalashtirish uchun maxsus sotib olingan telefondan bo‘lgan tasodifiy qo‘ng‘iroq orqali aniqlagan. Bu haqda huquqni himoya qilish organlaridagi manbalariga tayanib, “Kommersant” xabar bermoqda, deb yozadi Meduza.
Qotillikdan so‘ng darhol tergovchilar jinoyat joyida sim-kartalari soxta shaxslar nomiga sotib olingan telefonlardan foydalangan bir necha kishi bo‘lganini aniqladi. Biroq qotillikdan so‘ng ushbu telefonlarni hech kim ishlatmagan va telefonlar egalari qayerdaligini aniqlab bo‘lmagan. Qotillikdan ikki kun o‘tgach, bunday sim-kartalarning biridan Ingushetiyaga qo‘ng‘iroq qilindi. Tergovchilar qo‘ng‘iroq avvalroq Anzor Gubashev (Nemsovning o‘ldirib ketilishi haqidagi ish figurantlaridan biri) nomiga olingan sim-karta qo‘yilgan telefondan amalga oshirilganini aniqladi. Uning kimlar bilan aloqaga chiqqani o‘rganilgach, yana to‘rt nafar gumonlanuvchi aniqlandi va hibsga olindi.
Tergov ma’lumotlariga ko‘ra, Gubashev asosiy telefon raqami hisobida pul tugab qolgani sababli, jinoyatni rejalashtirish uchun sotib olingan sim-kartadan qo‘ng‘iroq qilgan. Beshala gumonlanuvchi qotillikni rejalashtirishda foydalangan telefonlarni tergovchilar topa olmadi.
Izoh (0)