BMT taqiqlangan preparat— meldoniy qabul qilganini tan olgan rossiyalik tennischi va xalqaro tashkilotning tinchlik elchisi Mariya Sharapova bilan hamkorlikni to‘xtatishini ma’lum qildi. Bu haqda “TASS” xabar bermoqda.
“BMT umumiy ishimiz, xususan, Chernobil falokati oqibatlari bilan kurash masalasidagi urinishlarimizni qo‘llab-quvvatlagani uchun Mariya Sharapovadan avvalgidek minnatdor. Biroq Sharapovaning yaqindagi iqrorlarini nazarda tutib, tekshiruv yakunlangunga qadar uning tinchlik elchisi sifatidagi faoliyatini to‘xtatishga majburmiz”, — deya ta’kidlagan BMT vakili.
Eslatib o‘tamiz, oldinroq doping bilan bog‘liq muammo tufayli bir qator mashhur brendlar, jumladan, Nike va TAG Heuer Mariya Sharapova bilan hamkorlikni to‘xtatgani haqida xabar berilgandi.
Izoh (0)