Rossiya Federatsiyasi Tashqi ishlar vaziri o‘rinbosari Grigoriy Karasin O‘zbekistonning Rossiyadagi yangi tayinlangan elchisi Baxrom Ashrafxanovdan ishonch yorliqlari nusxasini qabul qilib oldi, deya xabar bermoqda Rossiya TIV.
Bo‘lib o‘tgan suhbat chog‘ida tomonlar hamkorlik istiqbollarini muhokama qildi.
“Suhbat davomida Rossiya-O‘zbekiston kun tartibidagi dolzarb masalalar muhokama etildi, Rossiya va O‘zbekistonning ikki tomonlama hamkorlikni strategik sheriklik va ittifoqdoshlik ruhida yanada mustahkamlash va kengaytirishga qaratilgan o‘zaro intilishlari tasdiqlandi”, — deyiladi xabarda.
Eslatib o‘tamiz, avvalroq O‘zbekiston Respublikasining Rossiya Federatsiyasidagi Favqulodda va Muxtor Elchisi etib tayinlangan Baxrom Ashrafxanov Toshkentdan Moskvaga jo‘nab ketgani xabar berilgan edi.
Izoh (0)