AQSh prezidenti Barak Obama Guantanamo harbiy bazasidagi qamoqxonani yopishga oid maxsus bayonot bilan chiqdi. Uning aytishicha, Pentagon mazkur masaladagi rejani Kongressga taqdim etgan, deya xabar beradi “RBK”.
“Oldinga qadam tashlab, mavzuni uzil-kesil yopaylik. Men bu muammo, kim bo‘lishidan qat’i nazar, kelgusi prezidentga ham o‘tishini istamayman. Amerikada xavfli terrorchilarni ushlab turish tajribasi bor, bu vazifa a’lo darajada uddalab kelingan”, — deya ta’kidlagan Obama.
Qamoqxonadagi 91 nafar mahbusdan 35 nafari shu yil boshqa joylarga o‘tkazilishi mo‘ljallangan. Qolganlari ularni qabul qilishga tayyor bo‘lgan hududlar yoki AQShga jo‘natiladi. Reuters’ning bildirishicha, qonun chiqaruvchilar Obamaning taklifini qo‘llab-quvvatlamagan taqdirda, prezident qamoqxonani o‘zining farmoyishi bilan yopishi mumkin.
Izoh (0)