24-fevralning e’tiborga molik yangiliklari — “Daryo”ning kechki dayjestida.
1. Bellingcat Malayziyaning MH17 samolyotini urib tushirishda Rossiya harbiylari va Putinni aybladi. Bellingcat xalqaro tadqiqot guruhi Malayziya samolyoti urib tushirilishi borasidagi yangi faktlar oshkor etilgan hisobotni e’lon qildi.
2. O‘zbekiston yashash uchun eng arzon mamlakatlar reytingida 69-o‘rinni egalladi. Janubiy Afrika Respublikasi ushbu reytingda birinchi o‘rinni egalladi. Hindiston ikkinchi, Kosovo uchinchi o‘rinni band etdi.
3. Toshkentda havo haroratining iliqligi bo‘yicha 121 yillik rekord yangilandi. Bunda gap 22-fevraldagi rekord haqida. 23-fevral kuni Termizda rekord o‘rnatildi, 25-fevral kuni esa Toshkentda harorat +24 darajagacha ko‘tarilishi kutilmoqda.
4. Donald Tramp Nevada shtatidagi kokusda g‘olib bo‘ldi. Demokratlar orasida esa Hillari Klinton raqibi Berni Sandersni mag‘lub etishga muvaffaq bo‘ldi.
5. O‘zbekistonda davlat organlarining “ochiqlik indeksi” e’lon qilib boriladi. Bunda davlat organlarining ommaviy axborot vositalari, fuqarolik institutlari bilan hamkorligi alohida mezon etib belgilandi.
Izoh (0)