Suriya muxolifati organi bo‘lmish muzokaralar bo‘yicha Oliy qo‘mita vakili Na’son Og‘a Al-Arabiya telekanaliga bergan bayonotida fuqarolik urushi alangalanayotgan davlatda parlament saylovlari o‘tkazishning iloji yo‘qligini ta’kidlab o‘tdi. Bu haqda “TASS” agentligi xabar bermoqda.
“Asadning bu qadami u 27-fevraldan boshlanishi rejalashtirilayotgan tinchlik o‘rnatishga va siyosiy tartibga solishga rioya etishni o‘ylamayotganini ko‘rsatadi”, – dedi Na’son Og‘a.
Eslatib o‘tamiz, kecha, 22-fevral kuni Rossiya va AQSh Suriyada o‘t ochishni to‘xtatishga kelishib olgani xabar qilindi. Kelishuvga ko‘ra, o‘t ochishni to‘xtatish rejimi 27-fevraldan boshlab kuchga kirishi kerak.
Izoh (0)