Hindiston shimolidagi Jammu va Kashmir shtatida 48 soat davom etgan qurolli to‘qnashuvda uch nafar jangari yo‘q qilindi, besh nafar harbiy xizmatchi halok bo‘ldi. Bu haqda “TASS” xabar bermoqda.
20-fevral, shanba kuni ekstremistlar shtatning yirik shahri — Srinagar yaqinida harbiy kolonnaga hujum qildi. Buning oqibatida ikki nafar harbiy nobud bo‘ldi, 10 kishi yaralandi. Shundan so‘ng jangarilar Pampordagi shahar institutlaridan birining binosiga yashirindi, u yerdan 110 dan ziyod kishi evakuatsiya qilindi. Xavfsizlik kuchlari binoni qurshab, jangarilarni qamalga oldi.
Ikki kun davom etgan otishma ayni paytda yakunlangan, bino ichidagi uch nafar jangari o‘ldirilgan. Dastlabki ma’lumotlarga ko‘ra, hujum Pokistonning “Lashkari toyyiba” terrorchilik guruhi tomonidan amalga oshirilgan bo‘lishi mumkin.
Izoh (0)