Xitoyda yanvar oyida intizomni buzganligi uchun 5000 dan ortiq mansabdor jazolandi

Xitoy hukumati yanvar oyi davomida mamlakat kommunistik partiyasi intizomini buzganligi uchun 5459 nafar mansabdorni jazoladi. Bu haqda “RIA Novosti” xabar beradi.

Ma’lum qilinishicha, yordam puli va nafaqalarni noqonuniy olish, xizmat mashinalaridan foydalanish, jamoat mablag‘lari hisobidan banketlarni tashkil etish, shuningdek, turli xil sovg‘alarni noqonuniy olish va taqdim qilish bilan bog‘liq jami 3945 ta qonun buzilish holati ko‘rib chiqilgan.

Ushbu qonun buzilishlarni ko‘rib chiqqan intizomni tekshirish bo‘yicha Markaziy komissiya kommunistik partiyaning muhim organi bo‘lib, korrupsiyaga qarshi kurashish uchun tashkil etilgan.

Komissiyaning ma’lum qilishicha, 2015-yilda partiya intizomini buzganligi uchun 50 mingga yaqin mansabdor jazolangan.