Iroqning Diyala viloyati politsiyasi rahbari terakt qurboni bo‘ldi

Iroqning Diyala viloyati politsiyasi rahbari, polkovnik Xolid al-Karaxiy unga qarshi uyushtirilgan suiqasd oqibatida halok bo‘ldi. Bu haqda, viloyat xavfsizlik qo‘mitasi raisi Sodiq al-Husayniyga asoslanib, “TASS” axborot berdi.

Aytilishicha, politsiya rahbarining mashinasi viloyat markazi – Baquba shahrining janubiy qismida portlatib yuborilgan. Joriy ma’lumotlarga qaraganda, portlovchi uskuna al-Karaxiyning xizmat mashinasi ostiga joylashtirilgan va uning avtoulovga o‘tirishi bilan harakatga keltirilgan.Portlash chog‘ida polkovnik bilan birga bo‘lgan politsiya zobiti ham halok bo‘lgan.

Diyala tergov organlarining fikricha, teraktda IShID guruhi tarafdorlarining qo‘li bor.