Suriyadagi harbiy operatsiya tufayli Rossiya qurol-aslahalariga bo‘lgan talab oshib bormoqda

Suriyadagi harbiy operatsiya tufayli Rossiya qurol-aslahalariga bo‘lgan talab oshdi. Bu haqda Rossiya prezidentining harbiy-texnik hamkorlik masalalari bo‘yicha yordamchisi Vladimir Kojin ma’lum qildi, deya xabar beradi “RBK”.

“Hamma u yerda qanday qurol qo‘llayotganimiz, nima va qayerdan uchayotganini ko‘rib turibdi. ‘Kalibr’ tizimi bilan jihozlangan kemalarni xarid qilishga navbat paydo bo‘ldi, deyish mumkin. ‘Kalibr’ raketalari eksporti yuzasidan yangi shartnomalar bo‘yicha muzokaralar ketmoqda. Yirik dengiz davlatlarining barchasi uning qanday kuchga ega ekanligini darrov tushundi”, — deya ta’kidladi Kojin.

Uning bildirishicha, Rossiya qurollariga talab “barcha yo‘nalishlar, jumladan, aviatsiya va dengiz tizimlari bo‘yicha oshib bormoqda”.