Rossiyalik bokschi Chudinov WBA chempionlik unvonidan mahrum bo‘ldi

Rossiyalik bokschi Fyodor Chudinov Jahon boks assotsiatsiyasi (WBA)ning 76,2 kilogrammgacha bo‘lgan vazn toifasida jahon chempionligi uchun uyushtirilgan bellashuvda nemis sportchisi Feliks Shturmga mag‘lub bo‘ldi. Bu haqda “R-Sport” agentligi bergan ma’lumotlarga asosan “RBK” xabar qilmoqda.

Germaniyaning Oberxauzen shahrida bo‘lib o‘tgan bellashuvda hakamlarning qaroriga asosan Shturm g‘olib bo‘ldi.

Eslatib o‘tamiz, Chudinov 2015-yilda WBA talqini bo‘yicha 76,2 kilogramm vazn toifasida chempionlik sovrinini himoya qilgan edi.