Pokiston politsiyasining uch ofitseri 20-fevral, shanba kuni mamlakat shimoli-sharqidagi Panjob provinsiyasi Faysalobod shahrida noma’lum kishilar hujumi natijasida o‘ldirildi, deya xabar bermoqda “TASS”. Tergov organlari o‘rganayotgan versiyaga ko‘ra, jinoyat IShIDga aloqador ekstremistlar tomonidan amalga oshirilgan.
Qotillik joyida varaqalar qoldirib ketilgan bo‘lib, u yerda politsiyachilar o‘limi yuzasidan javobgarlikni IShID o‘z bo‘yniga olishi yozilgan. Varaqa mualliflari huquq-tartibot kuchlarini, ularning fikricha, dinga zid bo‘lgan demokratik tizimni himoya qilishda aybladi.
“IShID rolini istisno qilib bo‘lmaydi, ammo bungacha ular Faysalobodda ham faoliyat olib borayotganini bilmasdik”, — dedi shahar politsiyasi boshlig‘i. Uning so‘zlariga ko‘ra, bunday teraktlar so‘nggi hafta davomida Lahor va Islomobod shaharlarida sodir bo‘lgan.
Izoh (0)