Liviyadagi Bengazi shahrida hukumat kuchlari va jangarilar o‘rtasida bo‘lib o‘tgan qurolli to‘qnashuvlar oqibatida 12 kishi halok bo‘ldi, 17 kishi jarohat oldi. Bu haqda Reuters agentligiga asoslanib, “Korrespondent.net” xabar bermoqda.
Yaradorlar va halok bo‘lganlar qaysi tomonga tegishli ekanligi haqida aniq ma’lumot taqdim qilinmadi.
Muammar Qaddafiy hokimiyati qulaganidan so‘ng Liviyada amalda ikkita hokimiyat mavjud – Tripolida o‘rnashgan norasmiy kuchlar hamda Tobruk shahridagi jahon hamjamiyati tomonidan tan olingan hukumat. Shuningdek, mamlakat hududida turli radikal guruhlar, jumladan, IShID jangarilari egallab olgan tumanlar mavjud.
Izoh (0)