Afg‘onistonda garovga olingan Qizil xoch xalqaro qo‘mitasining besh nafar xodimi ozod qilindi. Bu haqda afg‘on politsiyasi vakillari ma’lum qildi, deya xabar beradi “TASS”.
“Viloyat rasmiylari hodisa haqida xabar topishi bilan mahalliy rasmiylar va oqsoqollar ko‘magida garovga olinganlarni ozod qilish choralarini ko‘rdi. Muzokaralardan so‘ng 19-fevral, juma kuni tushki payt Vagaz okrugidagi Chahor-Dea tumanida besh kishi qo‘yib yuborildi”, — deya ta’kidlagan G‘azni politsiyasi vakili.
Qizil xoch xodimlari noma’lum qurolli kishilar tomonidan G‘azni viloyatida 16-fevral, seshanba kuni o‘g‘irlab ketilgandi.
Izoh (0)