Islom Karimovning Erdo‘g‘onga hamdardligi, Toshkentda Damas’ni ag‘dargan qiz, ishyoqmas bo‘lib qolgan saudiyaliklar va kunning boshqa muhim yangiliklari

19-fevralning e’tiborga molik yangiliklari — “Daryo”ning kechki dayjestida.

1. O‘zbekiston futzal bo‘yicha Osiyo chempionati finaliga chiqdi. Final 21-fevral, yakshanba kuni bo‘ladi, unda O‘zbekiston termasi Eron — Vyetnam juftligi g‘olibiga qarshi to‘p suradi.

2. Islom Karimov Anqaradagi terakt munosabati bilan Turkiya prezidentiga hamdardlik maktubi yo‘lladi. Eslatib o‘tamiz, Anqarada 17-fevral kuni yuz bergan portlash oqibatida 27 harbiy va bir davlat xizmatchisi halok bo‘lgan.

3. Neft keltirgan boylik saudiyaliklarni ishyoqmas qilib qo‘ydi, deb yozmoqda The New York Times. Yozishlaricha, saudiyaliklar neft narxining tushishi bilan bog‘liq yangi iqtisodiy sharoitlarga ko‘nikishda jiddiy qiyinchiliklarga duch kelmoqda.

4. Toshkentda quloqchin taqqan qiz sabab Damas ag‘darildi. Svetoforning yashil chirog‘iga chorrahaga kirib kelgan Damas haydovchisi tezlikni kamaytirishga ulgurmagan va qizni urib yubormaslik uchun rulni chap tomonga keskin burgan.

5. “Baron” filmi Alisher Navoiy nomli kinosaroydan tarqalgani haqidagi xabar rad etildi. Yana xabar berishlaricha, aynan “Baron” sabab kinosaroyda o‘rindiqlarni ko‘paytirishga qaror qilingan.