Ikki nafar o‘zbekistonlik polvon sport kurashlari bo‘yicha Osiyo chempionatida sovrindor bo‘ldi

Tailandning Bangkok shahrida sport kurashlari bo‘yicha kattalar o‘rtasida o‘tkazilayotgan Osiyo chempionatida o‘zbekistonlik yunon-rum kurashchilari yana ikkita kumush medalga sazovor bo‘ldi. Bu haqda O‘zbekiston Milliy Olimpiya qo‘mitasi matbuot xizmati xabar qilmoqda.

Yunon-rum kurashi bo‘yicha ikki kun davomida bo‘lib o‘tgan musobaqalarda Dilshod Turdiyev (75 kg), Nurbek Xolmuhammatov (71 kg) va Muhammadali Shamsiddinov (85 kg) kumush, Aram Vardanyan (66 kg) esa bronza medaliga sazovor bo‘ldi.

Natijada, uchta kumush va bitta bronza medaliga sazovor bo‘lgan yunon-rum kurashi bo‘yicha O‘zbekiston terma jamoasi 22 davlat vakillari orasida to‘rtinchi o‘rinni egalladi.