WikiLeaks tashkiloti Yevroittifoqning qochoqlar oqimiga qarshi kurash haqidagi maxfiy hisobotini e’lon qildi, deya xabar bermoqda “Vedomosti”. Hujjatda “Sofiya” deb ataluvchi operatsiyaning birinchi yarim yilligi davomida qo‘llaniladigan tadbirlar haqida aytiladi. Yevropalik harbiylar, hisobotga ko‘ra, Liviya va Yaqin Sharqdan qochoqlar oqimini to‘xtatishga harakat qilgan.
Hujjatga operatsiya qo‘mondoni — italiyalik kontr-admiral Enriko Kredendino imzo qo‘ygan. Hisobotda, shuningdek, Yevroittifoqqa yetib kelgan muhojirlar soni haqida ma’lumotlar keltirilgan, bo‘lajak operatsiyalar strategiyasi belgilab qo‘yilgan.
Ushbu strategiyaga muvofiq, YeI kelajakda xalqaro suvlardagi harakatlardan Liviya hududiy suvlaridagi operatsiyalarga o‘tishni rejalashtirmoqda. Hujjatda operatsiyalarni qirg‘oqbo‘yida olib borish istisno qilinmagan.
Izoh (0)