Suriyada tinchlik o‘rnatilishi bo‘yicha AQSh va Rossiya harbiylarining birinchi yig‘ilishi 19-fevralda o‘tkaziladi

19-fevral kuni AQSh va Rossiya harbiylari Suriyada harbiy harakatlarni to‘xtatish masalasiga bag‘ishlangan dastlabki yig‘ilishni o‘tkazadi. Bu haqda “Interfaks” agentligiga tayanib “Gazeta.ru” xabar berdi.

“Harbiy harakatlarni to‘xtatish bo‘yicha maqsadli guruh ishiga kelsak, uning yig‘ilishi juma kuniga mo‘ljallangan. Uning ishida Rossiya va AQSh, shuningdek, Xalqaro Suriyani qo‘llab-quvvatlash guruhiga kiruvchi ba’zi davlatlarning harbiy vakillari qatnashishi ko‘zda tutilmoqda”, – ta’kidlab o‘tdi Rossiya tashqi ishlar vazirining o‘rinbosari Gennadiy Gatilov.