Nursulton Nazarboyev qozog‘istonliklarga yana bir bor mamlakat ko‘p millatli va ko‘p tilli ekanligini eslatib o‘tdi. Bu haqda davlat rahbari Olmaotadagi Universiada obyektlarini ko‘zdan kechirish jarayonida ma’lum qilgan, deya xabar beradi “Total.kz”.
“O‘qish jarayonida uch tillilikka e’tibor qaratganmiz, shunga asoslanish kerak. Biroq ayrim amaldorlar podadan oldin chang chiqarib, barchani qozoqcha gapirishga majburlamoqchi bo‘ladi. Ruscha murojaat qilinayotganida qozoq tilida javob qaytarilayotgan holatlar ham bor. Prokuratura qayerga qarayapti? Agar fuqaro ruscha murojaat qilgan bo‘lsa, unga shu tilda javob berish kerak. Rus tilidagi so‘rovga qozoqcha javob qaytarayotganlar namoyishkorona ishdan haydalsin!” — deya talab qo‘ygan Qozog‘iston prezidenti.
Izoh (0)