“Istiqlol” san’at saroyida beriladigan eng ko‘p kunli konsertlar reytingi e’lon qilindi

“Kinorama.uz” sayti 2016-yilda Toshkentdagi “Istiqlol” san’at saroyini uzoq kunlar o‘z muxlislari bilan ushlab turadigan xonandalar reytingini e’lon qildi.

Dastlab ayni paytda konsert sanasi aniq bo‘lgan san’atkorlar ro‘yxatini keltirib o‘tamiz:

• Ozodbek Nazarbekov: 10—20-aprel kunlari “Mehring sabab” deb nomlangan 11 kunlik konsert dasturi;
• Shahzoda: 1—7-may kunlari 7 kunlik konsert dasturi;
• Alisher Fayz: 17—22-may kunlari “Sevgi hikmati” nomli 6 kunlik konsert dasturi;
• Gulsanam Mamazoitova: 9—13-fevral kunlari “Men seni topgunimcha” deb nomlangan 5 kunlik konsert dasturi;
• Rayhon: 23—27-fevral kunlari 5 kunlik konsert dasturi;
• Mirzo teatri: 30—31-mart, 1—2—3-aprel kunlari 5 kunlik konsert dasturi;
• Shohruxxon: 23,24,26-may kunlari 3 kunlik konsert dasturi;
• Opa-singil Asalxo‘jayevalar: 19—21-fevral kunlari 3 kunlik konsert dasturi;
• Dildora Niyozova 25—27-mart kunlari 3 kunlik konsert dasturi.

Shuningdek, ota-o‘g‘il Ravshan va Farruh Komilovlar, Zulayho Boyxonova, “Handalak” guruhi va Shuhrat Qayumovning 2 kunlik konsert dasturlari ham bo‘lib o‘tadi.

Reytingdagi o‘rinlar quyidagicha ko‘rinish kasb etdi.

1-o‘rin — Ozodbek Nazarbekov

2-o‘rin — Shahzoda

3-o‘rin — Alisher Fayz

4-o‘rin — Gulsanam Mamazoitova, Rayhon, Mirzo teatri

5-o‘rin — Shohruxxon, Dildora Niyozova, Mavluda va Guli Asalxo‘jayevalar.