Ostonaning “Abu-Dabi Plaza” majmuidagi yong‘in bartaraf etildi. Jabrlanganlar va vayrongarchiliklar yo‘q, 120 kishi evakuatsiya qilingan. Bu haqda Qozog‘iston IIV favqulodda vaziyatlar qo‘mitasi rasmiy vakili Ruslan Imankulov ma’lum qildi, deya xabar beradi “TASS”.
“Hodisa joyida 78 nafar o‘t o‘chiruvchi va qutqaruvchi ishladi, 27 ta yong‘in-qutqaruv texnikasi safarbar etildi. Shuningdek, Ostona ichki ishlar departamentining 24 nafar vakili va 12 ta texnikasi ishtirok etdi”, — deya ta’kidlagan Imankulov.
Ma’lumotlarga ko‘ra, o‘t o‘chiruvchilar yetib kelgan payt binoning 11-dan 25-gacha bo‘lgan qavatlari alanga qurshovida qolgan. Yong‘inga binoning dizel yoqilg‘isiga ishlaydigan issiqlik qurilmalaridagi nosozlik sabab bo‘lgani bildirilmoqda.
Izoh (0)