Madridning “Real” klubi hujumchisi Krishtianu Ronaldu Ispaniya futbol ligasidagi eng yaxshi to‘purarga beriladigan Pichichi sovrini bilan taqdirlandi, deb xabar qiladi “Korrespondent.net”.
“Men bu sovrinni ‘Real Madrid’ jamoasining barcha xodimlariga, men bilan har kuni ishlaydigan kishilarga va sheriklarimga bag‘ishlayman. Men uchun bu dunyodagi eng yaxshi liga va bu yerda turib, o‘z izimni qoldirish men uchun katta sharaf”, — dedi Ronaldu.
Shuni qayd etish joizki, mukofot Bilbaoning “Atletik” klubi futbolchisi Pichichi laqabi bilan mashhur Rafael Moreno Aransadi sharafiga nomlangan va uni Ispaniyaning Marca gazetasi topshiradi.
Ronaldu Ispaniya Primerasining 2014/15-yilgi mavsumida jami 48 ta gol kiritdi. Uning qo‘lga kiritgan Pichichi sovrinlari soni uchtaga yetdi.
Izoh (0)