Suriyaning Xoms shahri vayronalarida 5-fevral kuni 27 yoshli harbiy xizmatchi Hasan Yusuf va uning 18 yoshli qaylig‘i Nada Merhiy to‘y fotosessiyasini uyushtirdi. Bu haqda The Washington Post xabar bermoqda.
Suriyalik fotosuratchi Ja’far Merayning Agence France-Presse’ga ma’lum qilishicha, vayronalar fonidagi fotosessiyadan ko‘zlangan eng asosiy maqsad — “hayot o‘limdan kuchliroq ekanini ko‘rsatishdir”.
Bu Merayning vayrona Xomsda tashkillashtirgan birinchi to‘y sessiyasi emas. O‘tgan yilning oxirida u Facebook’dagi sahifasiga, “Suriyada hayot sokin davom etayotganiga dalil” o‘laroq, boshqa bir juftlikning suratlarini joylagandi.
2015-yil yozida esa Xomsdagi yarim vayrona, bombardimonlar vaqtida tomi yo‘q bo‘lib ketgan cherkovda bo‘layotgan nikoh marosimining suratlari tarqalgan edi.
Izoh (0)