Sherali Jo‘rayev Navoiyni ommalashtirish o‘rniga ommani “Navoiylashtirish” haqida qayg‘urish kerakligini ta’kidladi

O‘zbekiston xalq artisti, taniqli xonanda Sherali Jo‘rayev ommani “Navoiylashtirish” haqida qayg‘urish kerakligini ta’kidladi. Bu haqda xonanda “Bekajon” gazetasiga bergan intervyusida aytib o‘tdi.

“Navoiyni ‘ommalashtirish’dan ko‘ra, ommani ‘Navoiylashtirish’ haqida ko‘proq qayg‘ursak, to‘g‘ri bo‘lardi. Kishi to Navoiy she’rlarini ko‘ngil mulkiga aylantirmasa, yodlash orqali uni qalbiga muhrlamasa, Navoiyning ruhiyat olami unga begonaligicha qolaveradi”, — dedi taniqli xonanda.

“Farzandlarimiz bolaligidan boshlab hazrat Navoiyning she’rlarini toshga o‘yilgan naqshdek qalbga muhrlasa, keyinchalik bu xazina, albatta, o‘z eshigini ularga ochadi”, — deya qo‘shimcha qildi Sherali Jo‘rayev.

Eslatib o‘tamiz, 9-fevral kuni Alisher Navoiy tavalludiga 575 yil to‘ladi.