Markaziy harbiy okrug vakilining Reuters agentligiga ma’lum qilishicha, Rossiya Tojikistondagi 201-harbiy bazaga joylashtirilgan harbiylar sonini qisqartiradi. Bu haqda “RBK” xabar bermoqda.
“Qo‘pol qilib aytganda, askarlarning umumiy soni kamayadi, ammo ularning harakatchanligi va tezkor javob qaytarish imkoniyati oshadi”, — dedi Mudofaa vazirligi vakili.
Markaziy harbiy okrug vakili rus harbiylarining soni qachon va qanchaga qisqarishiga aniqlik kiritmadi.
Hozir Tojikistonda 7 ming nafar rossiyalik askar bor. Bu Rossiyaning xorijda joylashgan harbiy bazalaridagi eng katta kontingentidir.
Rossiyaning Tojikistondagi 201-harbiy bazasi 2004-yilda tashkil qilingan. 201-harbiy baza mintaqada kamida 2042-yilgacha bo‘lishi mo‘ljallanmoqda.
Izoh (0)